Բոնուս քարտի պայմանները
«Բոնուս քարտը» վիրտուալ քարտ է և կցված է Բջջային հավելվածի և Կայքի Օգտատիրոջ հաշվին: Յուրաքանչյուր անգամ առցանց պատվեր գրանցելիս Օգտատերը հնարավորություն է ունենում կուտակելու տվյալ պատվերի ընդհանուր արժեքի որոշակի մասը, իր՝ նախապես ակտիվացված «Բոնուս քարտում»: Կուտակված 1 բոնուսը համարժեք է 1 դրամի։ Բոնուսներ կարելի է կուտակել նաև ֆիրմային խանութներից առձեռն գնումներ կատարելիս` բջջային հեռախոսում վիրտուալ «Բոնուս քարտի» շտրիխ կոդը անցկացնելով ֆիրմային խանութներում տեղադրված ծրիչներով (scanner), ինչը կիրառելի է նաև բոնուսի միավորները օգտագործելու դեպքում: Կուտակված բոնուսները կարող եք տեսնել անձնական էջում` «Բոնուս քարտի» աջ անկյունում։ «Բոնուս քարտը» հնարավոր է ակտիվացնել «Անձնական էջ» բաժնում: «Բոնուս քարտի» ակտիվացման համար Օգտատերը կստանա PIN կոդ «Գրանդ Քենդի» ընկերության կողմից` SMS հաղորդագրության միջոցով։ Տվյալ PIN կոդն անհրաժեշտ է պահել, քանի որ հետագայում ֆիրմային խանութներից գնումներ կատարելիս բոնուսի օգտագործման համար անհրաժեշտ կլինի հավաքել տվյալ PIN կոդը։ Վերջինիս դրամական միավորները հնարավոր է օգտագործել «Գրանդ Քենդի» ՍՊ ընկերության ֆիրմային խանութներում՝ ցանկացած նոր պատվերի ժամանակ և ցանկացած չափով՝ ինչպես մասնակի, այնպես էլ ամբողջությամբ: Կուտակված դրամական միավորները գործողության ժամկետի սահմանափակում չունեն և ենթակա չեն կանխիկացման: Բոնուսային միավորները հնարավոր չէ փոխանցել մեկ այլ Օգտատիրոջ բոնուս քարտին։
«Բոնուս քարտը» կուտակում է․
| Մինչև 4 999 ՀՀ դրամ գնումների դեպքում | 0.5% |
| 5 000 – 9 999 ՀՀ դրամ գնումների դեպքում | 1% |
| 10 000 – 14 999 ՀՀ դրամ գնումների դեպքում | 2% |
| 15 000 – 19 999 ՀՀ դրամ գնումների դեպքում | 3% |
| 20 000 – 24 999 ՀՀ դրամ գնումների դեպքում | 4% |
| 25 000 ՀՀ դրամ և ավել գնումների դեպքում | 5% |
